आर्थिक वृद्धि दर नं कुहां वन
अर्थमन्त्री डा. बाबुराम भट्टर्राईनं अर्थतन्त्र धइगु सर्प थें घिसे्र जुयाः वनीगु मखुसें ब्यांचा थें तिंक न्हुयाः वनेमाः धकाः न्ववानाच्वंसां वय्कःया हे कार्यकालय् देय्या आर्थिक वृद्धि दर धाःसा न्हापा स्वयां कुहां वंगु दु । थगुने ५ दशमलव ७ प्रतिशत दुगु आर्थिक वृद्धिदर थुगुसी ३ दशमलव ९५ प्रतिशतय् कुहां वंगु दु ।दु । थगुने ५ दशमलव ७ प्रतिशत दुगु आर्थिक वृद्धिदर थुगुसी ३ दशमलव ९५ प्रतिशतय् कुहां वंगु दु ।
देय्या आर्थिक वृद्धिदर कुहां वंगुया मुख्य कारणय् श्रम विवाद, बन्द, हडताल, लोडशेडिङ आदि लाःवःगु दु ।
उकथं हे नेपाली अर्थतन्त्रया मू जुयाच्वंगु कृषि उत्पादन कुहां वंगु व विकासया लागिं धकाः सरकारं दयेकूगु बजेट नं बांलाक खर्च याये मफुगु कारणं आर्थिक वृद्धिदर कुहां वंगु खः ।
राष्ट्र बैंकपाखें पिकाःगु न्हूगु रिपोर्टय् थ्व खँ धयातःगु दु । उगु रिपोर्ट कथं आः नेपाःमितय् प्रतिव्यक्ति आय करिब ३२ हजार तका थ्यंगु दु ।
विकास खर्चय् निजी लगानी क्वत हयेगु ज्या अझ नं जुइ फुगु मदुनिसा सरकारं नं माक्व दां विकासय् खर्च याये मफुनि । विकासय् खर्च यायेमाःगु २५ अर्ब दां सरकारी कोषय् अझं थानाच्वंगु दनि ।
