संविधानसभा बचे यायेत झिंप्यंगू दलया ज्ञापनपत्र
संविधानसभाय् दुथ्याःगु चीचीधंगु झिंप्यंगू दलं संविधानसभायात बचे यायेत थुकीया म्याद तनेमाःगु माग यासें नेपाली कांग्रेसया संसदीय दलया नेता रामचन्द्र पौडेल व नेकपा (एमाले)या अध्यक्ष झलनाथ खनालयात ज्ञापनपत्र लःल्हाःगु दु । थौं हे माओवादी अध्यक्ष पुष्पकमल दाहाल 'प्रचण्ड'यात नं ज्ञापनपत्र लःल्हाइगु ज्याझ्वः दु ।
संविधानसभा छुं नं राजनैतिक प्रणाली व सरकार स्वयां महत्वपूर्ण संस्था जूगु व उकीया आवश्यकता कथं न्हूगु सरकार निर्माण यायेत व जनताया आकांक्षा कथं संविधान संसथागत यायेमा:गु धासें ज्ञापनपत्रय् संविधानसभाय् म्याद थप यायेत माग यानातःगु दु ।
झिंप्यंगू दलं जेठ १४ गते तक संविधानसभाया म्याद थप मयासाः संविधानसभा विघटन जुइगु व देय् अर्निणयया बन्दीलय् लाइगु धासें राजनीतिक सहमति यानाः संविधानसभाया म्याद थप यायेत प्रमुख राजनीतिक दलतय्त गम्भीर जुइत इनाप याःगु दु ।
ज्ञापनपत्रय् नेकपा (माले), राष्ट्रिय प्रजातन्त्र पार्टी, राष्ट्रिय जनशक्ति पार्टी, नेकपा (संयुक्त), नेपाल सद्भावना पार्टी (आननदीदेवी), दलित जनजाति पार्टी, नेपाल परिवार दल, समाजवादी जनतान्त्रिक पार्टी लगायत दलया नेताय्सं ल्हाःचिं यानातःगु दु ।
