नेवाःत पाखें विरोध जुलुस / जेठ १८ गते नेपालमण्डल बन्द
इलय् हे संविधान जारी यायेमफुगु विरोधय् नेवाः स्वायत्त राज्य मंकाः संघर्ष समितिं शनिवा: विरोध जुलुस पिथंगु दु । सुथय् न्हय्ताः इलय् येँया रत्नपार्क शान्ति बाटीकाय् मुनाः न्ह्याःगु जुलुस यलया मंगलय् थ्यंका: क्वचा:गु ख: । मंगलय् थ्यंका: जूगु सभायात संघर्ष समितिया नाय: नरेशवीर शाक्य व ज्यापू समाज यलया न्वकू मंगल महर्जनं सम्बोधन यानादीगु ख: । नेवाः स्वायत्त राज्यया सुनिश्चितता, संघीयता, धर्मनिरपेक्षता लगायत संस्थागत यायेमाःगु माग यासें संघर्ष समितिं जुलुसया ग्वसाःग्वःगु खः ।
थ्वहे दथुइ संघर्ष समितिं जेठ १८ गते हाकुगु न्हि कुन्हु नेपालमण्डल बन्द यायेगु घोषणा याःगु दु । उगु न्हि कुन्हु सुथंनिसें न्हिनसिया झिंनिता: ई तक जक बन्दया ज्याझ्व: दुगु खँ संघर्ष समितिं धा:गु दु । लुम्केबहजु, नेवाः लगायत जनजातितय्सं १४ जेठ २०५६य् सर्वोच्च अदालतं भाषिक ख्यलय् या:गु अन्ययायपूर्ण फौसलाया न्हियात हाकुगु न्हि कथं कयाच्वंगु दु ।
(किपा - राजिश श्रेष्ठ)
मेमेगु आपालं किपाया लागि थन क्लिक यानादिसँ
