संविधानसभा भवन न्ह्यने बम विष्फोट

येँया न्हूगु बानेश्वरय् च्वंगु संविधानसभा भवन न्ह्यने शनिवाः न्हिनय् बम विष्फोट जूगु दु । न्हिनय् संविधानसभाया पश्चिम गेट न्ह्यने जूगु बम विष्फोटया कारणं अन छुं कथंया क्षति मजूगु खँ प्रहरीं धा:गु दु । अन प्रहरीं डाइनामिक युथ फोरम नेपालया पर्चा लुइकूगु दु । पर्चाय् शान्ति व न्हू संविधानया विरोधीतय्त सचेत यायेत बम विष्फोट यानागु व राष्ट्रिय सहमति कायम याना: प्रगातिशील संविधान जारी यायेत माग यानात:गु दु । अथेहे प्रहरीं घटनास्थलय् ममूगु सकेट बम छग: नं लुइकूगु दु । अन आ: प्रहरीं अनुसन्धान न्ह्याकूगु दु ।