बेपत्ता श्रेष्ठया सामान लुइकल

वंगु मंगलवाः बहनी निसें बेपत्ता जुयादीम्ह बीपी कोइराला मेमोरियल क्यान्सर अस्पतालया कार्यकारी निर्देशक डा. भक्तमान श्रेष्ठया छुंछुं सामान प्रहरीं लुइकूगु दु । मुग्लिन प्रहरीं नारायणगढ-मुग्लिन सतकखण्ड अन्तर्गन दारेचोक गाविसया घोप्टेभिर नापसं श्रेष्ठया ब्रिफकेश लुइकूगु ख: ।

बि. एम. श्रेष्ठ च्वयातःगु उगु ब्रिफकेश स्थानीय एक बहादुर थापाया छेँय् लुइकूगु खँ प्रहरीं धाःगु दु । थापां प्रहरीयात ब्यूगु बयानय् जेठ ५ गते छेँ नापसं च्वंगु जंगलय् वानछ्वयातःगु इलय् उगु ब्रिफकेश लुइकूगु खः ।

घटनाया बारे थप अनुसन्धान यायेत जिल्ला प्रहरी ज्याकू पाखें छगू पुचः उखे पाखे वंगु दुसाः ब्रिफकेश लुइकूगु थासय् प्रहरीं ब्याप रुपं सर्च अभियान न्ह्याकूगु दु ।