उदयपुरय् जूगु सतक दुर्घटनाय् न्याम्ह सित

शुक्रवाः बहनी उदयपुरया ओख्ले गाविस शाही डाँडाय् जूगु सतक दुर्घटनाय् लाना न्याम्ह सीगु दुसाः स्वम्ह घाःपाः जूगु दु ।

बा. ७. च. ५६८६ नम्बरया यात्रुबहाक ट्याक्सी जिल्लाया कटार पाखें इनामे वनेगु झ्वलय् बहनी गुतात्याः इलय् दुर्घटना जूगु खः । दुर्घटनाय् लनाः नीनिदँया अनिता रासकोटी, स्वीन्यादँया सिता राई, स्वीदँया पारस खडका, पीदँया टोकमान रई व छम्ह नामं सिकेमफुनीम्ह मचा सीगु खँ प्रहरीं धाःगु दु ।

प्यम्ह घटनास्थलय् हे सीगु खःसा खडकायात धरानय् दुगु बीपी कोइराला स्वास्थ्य विज्ञान प्रतिष्ठानय् वासः याकातःगु इलय् मदुगु खः । घटनाय् गिता फुयाल, कोपिला राई व कुमारी राई घाःपाः जूगु दु ।