प्रधानमन्त्रीं थः संविधानसभाया पक्षय् मदुगु धापू

प्रधानमन्त्री माधवकुमार नेपालं थः संविधानसभाया पक्षय् मदुगु खँ धयादीगु दु । शुक्रवाः नर्वेली वातावरण व विकास मन्त्री एरिक सोल्हेमनापया खँल्हाबंला लिपा पत्रकारत नाप खँल्हाबंला यानादिसें प्रधानमन्त्री नेपालं थःम्ह माओवादीयात लय्तायेकेत जक संविधानसभा स्वीकार यानागु कनादिल ।

'माओवादीया चित्त बुझे यायेत जिं संविधानसभा स्वीकार यानागु खः ।' प्रधानमन्त्री नेपालं धयादिल, 'मखुसाः जिं संविधानसभा स्वीकार मखु मेगू माध्यमपाखें नं संविधान दयेकेफइगु प्रस्ताव यानागु नं खः ।'

वय्कलं माओवादीं हे संविधानसभा चाहेजूगु व आः माओवादीं हे संविधानसभायात समाप्त यायेत स्व:गु खःसा थःयात छुं धायेगु मदुगु धयादिल। वय्कलं वर्तमान समस्या सुरक्षा निकायलय् समायोजन याइगु माओवादी लडाकुया ल्याःलय् जूगु धयादिसें उकीया बारे खँ मिले जुइवं शक्ति बाँडफाँडय् खँ मिलेजुइगु दाबी यानादिल ।