न्हू बजारय् गोली चलेजुल

ल्वाभ:या कारोबार याइगु पुच:यात ज्वनेत्यंगु इलय् शुक्रवा: येँया न्हू बजारय् गोली चलेजूगु दु । ल्वाभ: मीत्यंगु सूचंया आधरय् ल्वाभ:या कारोबार याइपिंत ज्वनेत बालाजु प्रहरी ज्याकू पाखें वंगु प्रहरीया पुचलं गोली क्येकूवलय् छम्ह घा:पा: जूगु दु । गोलीं लाना ल्वाभ: कारोबार गिरोहया गोरखाया शिव ढकाल घा:पा: जूगु दु । प्वाथय् गोलीं लाम्ह ढकालयात प्रहरीं हे वीर अस्पताल वास: याकेत भर्ना याकूगु दु । प्रहरीं ढकाल नापं निम्हेसित छपू पेस्तोल व छगू राउण्ड गोली सहित ज्वंगु दु ।