निबन्धकार विष्णु अल्पज्ञ मंत
नांजाःम्ह साहित्यकार विष्णु अल्पज्ञ म्हिगः मंत । वय्कः ७३ दँ दुम्ह खः । पक्षाघात जुयाः वय्कःयात पाटन अस्पतालय् वासः याकातःगु खः । म्हिगः हे वय्कःया अन्तिम संस्कार नं क्वचायेधुंकूगु दु । मदुम्ह अल्पज्ञया जहान व याकः काय नं तःदँ न्ह्यः हे मदुगु खः ।
नेपालभाषाय् वय्कःया नैराश्य (कविता), जि व जिया दुने व कय्ता निबन्ध सफू पिहां वयाच्वंगु दु । वय्कः चिनीमाया सिरपाः व गौरी अनन्त सिरपालं सम्मानित जुया च्वनादीगु दु ।
