नेपाःमित जंगलपाखे

येँ (सन्ध्या टाइम्स)/भारतया मेघालयय् च्वनाच्वंपिं नेपाली मूलया नागरिकतय्त स्थानीय खासी जातिं देय् त्वःताः पिहां हुँ धकाः लिना हयेगु शुरु यायेवं द्वलंद्वः नेपाःमित आः अनया जंगलय् सुलेत बाध्य जूगु खँ धाःगु दु। जंगलय् बिसिउँ वंपिं नेपाःमित आः ग्यानाः पिहां हे मवसे च्वनाच्वंगु खँ नं धाःगु दु।
खासीतय्सं लिना हःगुलिं बिसिउँ वंपिं नेपाःमितय् ल्याः करिब न्यय्द्वः ति दयेमाः धाःगु दु। थुपिं गनं वनेथाय् मंत धाःसा अन्तिम शरणया लागिं नेपालय् हे वयेफुगु खँ धाःगु दु ।