अनमिनया म्याद बारे सुरक्षा परिषदय् कचवं

येँ (सन्ध्या टाइम्स)/नेपालय् अनमिनया म्याद गुलि थपे यायेगु धइगु खँयात कयाः संयुक्त राष्ट्र संघया सुरक्षा परिषदय् दुजः देतय्तय् दथुइ विवाद जूगु खँ सीदुगु दु। नेपालं अनमिनया म्याद प्यला जक थपे याःगुली बेलायतं खुला थपे यायेमाः धकाः प्रस्ताव तःगु खःसा उकी चीन व रुसं सम्बन्धित देशं गुलि माग याःगु खः झीसं उलि हे जक थपे यायेमाः धकाः प्रतिवाद याःगु खः। बैठकय् अनमिनया म्याद खुक्वः थपे यायेधुंकाः नं शान्ति प्रक्रिया पूरा मजूगु खँय् धाःसा दुजःतय्सं आपत्ति प्वंकूगु खः ।