दुर्घटनाय् छम्ह सित, न्याम्ह घा:पा:

शुक्रवा: न्हिनय् धादिङय् जिप दुर्घटना जुया: छम्ह सीगु दुसा: न्याम्ह घा:पा: जूगु दु । धादिङया किन्ताङफेदीपाखें जिल्ला सदरमुकाम धादिङवेसी वनाच्वंगु ना.१.ज २५३१ नम्वरया जिप दुर्घटना जुया: धादिङया सत्यदेवि गाविस-३या च्याम्पासिंह घले सीगु दु । दुर्घटनाय् लाना: गम्भिर घा:पा: जूम्ह घलेयात वास: याकेत जिल्ला अस्पताल धादिङवेसी यंकाच्वंगु इलय् मदुगु ख: । अथेहे दुर्घटनाय् न्याम्ह घा:पा: जूगु दु । घा:पा: जूपिंत सदरमुकाम स्थित जिल्ला अस्पतालय् वास: याकात:गु दुसा: छम्हेसित येँय् ह:गु खँ जिल्ला प्रहरी ज्याकूथी धादिङं धा:गु दु ।