थापा भारत प्रस्थान

पुलांम्ह प्रधानमन्त्री नापं राष्ट्रिय जनशक्ति पार्टीया अध्यक्ष सूयबहादुर थापा शुक्रवाः भारत प्रस्थान यानादीगु दु । निन्हुन्यंकया निजी भ्रमणया निंतिं थापा शुक्रवाः न्हिनय् भारतया मुम्बईलय् प्रस्थान यानादीगु खः । निजी भ्रमण जुसां वय्कलं भारतीय उच्च नेतातय्त नापलानादीगु ज्याझ्वः दु । वय्क मुम्बई लिपा न्हू दिल्ली झायाः भारतीय नेतातय्त नापलानादीगु खँ धाःगु दु । नेपाःया राजनीति जटिल अवस्था लानाच्वंगु इलय् वय्कया भारत भ्रमणयात राजनीतिक ख्यलय् महत्वपूर्ण रुपं काःगु दु ।