ल्वाभः सहित निम्हेसित ज्वन

बिहीवाः गस्ती वनाच्वंगु धनुषा जिल्ला प्रहरी ज्याकूया पुचलं थीथी थासय् ल्वाभः सहित निम्हेसित ज्वंगु दु । प्रहरीं बिहीवाः बहनी लोहना गाविस-१ बभनगामाय् याःगु सुरक्षा जाँचया झ्वलय् भारत मुंगेरया झिंच्यादँया रविकुमार झायात छपू कटुवा पेस्तोल व छगू राउण्ड गोली सहित ज्वंगु खः । अथेहे बिहीवाः सुथय् जनकपुर नगरपालिका-१६य् दुगु पूलचौक ईलाका पाखें यदुकुहा गाविस-५य् च्वनीम्ह झिंखुदँया किरन महतोयात ज्वंगु दु । महतोयात छपू पेस्तोल व छुं राउण्ड गोली सहित ज्वंगु ख: ।