म्याद थपया बारे जानकारी बीत प्रम राष्ट्रपति निवासय्

प्रधानमन्त्री माधवकुमार नेपालं राष्ट्रपति डा. रामवरण यादवयात संविधानसभाया म्याद थपया बारे सरकारं संसदय् विधेयक दर्ता याकूगु बारे जानकारी बियादीगु दु ।

बिहीवाः राष्ट्रपति भवन शीतल निवास थ्यंकाः प्रधानमन्त्री नेपालं इलय् हे संविधान जारी जुइमफुइगुलिं थुकीया म्याद दच्छि थप यायेगु निंतिं सरकारं नेपालया अन्तरिम संविधान २०६३लय् च्याक्वःगु संशोधन विधेयकय् दर्ता यानागु धयादिल ।

वय्कलं राजनीतिक दलत दथुइ सहमतिया आधारय् हे संविधानसभाया म्याद थप जुइगु विश्वास प्वंकादिसें माओवादी अध्यक्ष पुष्पकमल दाहाल 'प्रचण्ड'यात नं थौं हे फोन यानाः सहमतिलय् वयेत इनाप यानागु कनादिल ।

उगु इलय् राष्ट्रपति यादवं नं राजनीतिक दलत दथुइ सहमति जुयाः हे संविधानसभाया म्याद थप जुइगु खँ थः आशावादी जूगु धयादिल ।