दुर्घटनाय् एन-प्याब्सनया न्वकु मंत

येँ (सन्ध्या टाइम्स)/निजी विद्यालयया मंकाः संगठन एन प्याब्सनया केन्द्रीय न्वकु टिकाराम सुवेदी मोटरसाइकल दुर्घटनाय् लानाः मंत। थौं वंगु चान्हय् बाँकेया ढकेरी धइगु थासय् भे. त ३१७९ नम्बरया ट्याक्टर नाप भे. २ प ४९०१ नम्बरया मोटरसाईकल ल्वानाः उगु दुघटना जूगु खः। उकी लानाः घाःपाः जूम्ह सुवेदीयात लखनउपाखे वासः याकेत यंकाच्वंगु इलय् थौं सुथय् सीगु खः। वय्कः सुवेदी मदुगु शोकय् थौं एनप्याब्सनं बाँकेया फुक्कं निजी स्कूल बन्द याःगु दु। वय्कः बाँके कोहलपुरया बालज्योति बोर्डिङ स्कूलया संस्थापक प्रिन्सिपल खः ।