शनिवाः पलिस्थां बाखं गोष्ठी याइगु
येँ (सन्ध्या टाइम्स)/पलिस्थाया ग्वसालय् थ्वहे वइगु शनिवाः नेपालभाषा बाखं गोष्ठी जुइगु जूगु दु। नेपालभाषा बाखं विधायात च्वन्ह्याकेगु ताः तयाः थ्व गोष्ठी जुइत्यंगु खः। शनिवाः गणबहाःस्थित नेपाल आदर्श माविया हलय् उगु गोष्ठी यायेत्यनागु खँ पलिस्थां धाःगु दु ।
ज्याझ्वलय् नेपालभाषाया बाखं च्वमिपिं मथुरा साय्मि, लक्ष्मण राजवंशी, रीना तुलाधर, नजरमान महर्जन आदिपिंसं रचना पाठ यानादीगु व उकियात कयाः समालोचक इन्द्र मालीं समीक्षा यानादीगु ग्वसाः दुगु खँ नं धाःगु दु। थ्व पलिस्थाया नीनिक्वःगु साहित्यिक ज्याझ्वः खः ।
