म्याद थप मजुसाः प्रमं राजीनामा बीमाः : कर्ण
बिना विभागीय मन्त्री लक्ष्मण लाल कर्णं जेठ १४ गते दुने राजनीतिक दलत दथुइ सहमति जुयाः संविधानसभाया म्याद थप मजुसाः प्रधानमन्त्री माधवकुमार नेपालं नैतिकताया आधारय् राजीनामा बीमाःगु खँ धयादीगु दु ।
प्रधानमन्त्री माधवकुमार नेपालं छुं नं हालतं राजनीतिक सहमति मजुतल्ले राजीनामा मबीगु अडान कयाच्वंगु इलय् वय्यकया हे मन्त्रीमण्डलय् दुथ्याम्हः छम्ह मन्त्रीया थंज्याःगु घापू सार्वजनीक जूगु खः । बिहीवाः सद्भावना पार्टीं नेपालगञ्जय् याःगु छगू ज्याझ्वलय् मन्त्री कर्णं सरकारं संसदय् दर्ता याकूगु विधेयक पारित जुइमफुसाः प्रधानमन्त्रीं राजीनामा बीमाःगु खँ धयादीगु ख: ।
अथेहे वय्कलं माओवादीं जेठ १५ गते जनसंविधान घोषणा यायेत्यंगु ज्याझ्वः प्रति लक्षित यानादिसें छगू दलं सतकं संविधान घोषणा याःसां यकीयात जनतां अनुमोदन मयाइगु दाबी यानादिल । वय्कलं राजनीतिक गतिरोधया समाधान सहमति पाखें हे मालेमाःगु खँय् बः बियादिसें दलत दथुइ सहमतिया विकल्प मदुगु धयादिल ।
