'सेना समायोजनाया ल्याः किटान याये माल'
येँ (सन्ध्या टाइम्स)/एकीकृत माओवादीं सेना समायोजन याये न्ह्यः थःपिनि ग्वःम्ह सेना समायोजन याये धइगु खँ स्पष्ट यायेमाःगु माग नेपाली कांग्रेसं याःगु दु। ग्वःम्ह सेना समायोजन यायेगु धइगु खँ आः हे स्पष्ट मयाःतले सेना समायोजनया ज्या न्ह्यःने न्ह्याके मफइगु खँ नं कांग्रेसं धाःगु दु। थौं सुथय् च्वंगु कांग्रेस केन्द्रीय कार्यसमितिया बैठकं थ्व निर्णय याःगु खः ।
सरकार पक्षं न्याद्वः ति जक लडाकुयात समायोजन याये फइ धयाच्वंगु दुसा माओवादीं १९ हजार यात हे समायोजन यायेमाः धकाः माग यानाच्वंगु दु। माओवादीं यदि आः हे थुलि जक सेना समायोजन यायेगु धकाः संख्या तोके यात धाःसा बाँकी लडाकुतय् दथुइ तःधंगु असन्तोष ब्वलनाः दुर्घटना समेत जुइफुगु खँ नं धयाच्वंगु दु ।
समायोजनया संख्या तोके याये मफयाः थ्व ज्या आः तकं थाति लानाच्वंगु खँ धाःगु दु ।
