ल्यानग्रेनं पौडेल नापलात

अनमिन प्रमुख करिन ल्यानग्रेनं नेपाली कांग्रेस संसदीय दलया नेता रामचन्द्र पौडेलयात नापलाना लिप्पांगु राजनीतिक अवस्थाया बारे खँल्हाबंला यानादीगु दु ।

सिंहदरवार स्थित नेपाली कांग्रेसया संसदीय दलया ज्याकूथीइ बुधवाः जूगु खँल्हाबंलाय् ल्यानग्रेनं शान्ति प्रकृया, संविधान निर्माण, राष्ट्रिय सहमतिया सरकार नापं सेना समायोजनया बारे च्यूताः प्वंकादीगु खः ।

पौडेलं प्याकेजय् सहमति जुइधुंकाः राष्ट्रिय सहमतिय सरकार गठन जुइगु व सहमतिया आधारय् हे संविधानसभाया म्याद थपे जुइगु धयादिल । पौडेलया लिसः लिपा ल्यानग्रेनं दलत दथुइ सहमतिया आधारय् हे संविधानसभाया म्याद थप जुइगु विश्वास प्वंकादिल ।