'संविधानसभा पाखें हे संविधान निर्माण यायेमाः'
नेपाः स्थित राष्ट्रसंघीय मिसन अनमिनया प्रमखु करिन ल्यानग्रेनं संविधानसभा नेपाःया निंतिं तसकं सर्वोच्च व महत्वपूर्ण निकाय जूगु खँ धायदीगु दु । वय्कलं थुकीं हे संविधान जारी यायेमाःगु जनताया इच्छा जूगुलिं संविधानसभा पाखें हे संविधान निर्माण यायेमाःगु धयादिल ।
मंगलवाः संविधानसभाया अध्यक्ष सुवासचन्द्र नेम्वाङनापया खँल्हाबंला लिपा पत्रकारत नाप खँल्हाबंला यानादिसें वय्कलं दलत मिले जुयाः हःगु उपलब्धियात बचे यायेमाःगु धयादिल । वय्कलं उपलब्धिया रक्षा यायेत दलत छप्पँ जुयाः न्ह्याः वनीगु विश्वास प्वंकादिल ।
संविधानसभा अध्यक्ष नेम्वाङ नापया खँल्हाबंलाय् वय्कलं संविधानसभाया म्याद थप जुइगु वा मजुइगु नापं संविधानसभाया भविष्यया बारे च्यूताः प्वंकादीगु खः । उगु इलय् नेम्वाङं जेठ १४ दुने दलत दथुइ सहमति जुयाः संविधानसभा पाखें हे न्हूगु संविधान जारी जुइगु धयादिल ।
