कलैयाय् बम विष्फोट जुया छम्ह घाःपाः

बाराया सदरमुकाम कलैयाया मू बजारय् मंगलवाः सुथय् छगः बम विष्फोट जूगु दु । बम विष्फोटय् लाना छम्ह मिसा गम्भीर घाःपाः जूगु दु । अज्ञात पुचलं तयातःगु सकेट बम विष्फोट जूगु खँ जिल्ला प्रहरी ज्याकूथीं धाःगु दु । प्रहरीं छुनां छाय् विष्फोट यात धइगु विषयलय् अनुसन्धान जुयाच्वंगु खँ धाःगु दु ।

मंगलवाः सुथय् ५:२५ बजे जूगु विष्फोटय् कलैया-६ निवासी न्यय्दँया पासपति देवी साह घाःपाः जूगु दु । बमया छर्रा लाना घाःपाः जूम्ह साहयात कलैया अस्पतालय् प्रारम्भिक वासः याकूगु खःसा वयात थप वासः याकेत वीरगंज यंकूगु दु ।