एमाले सतकं घोषणा जुइगु संविधानया विपक्षय् : खनाल
नेकपा (एमाले)या अध्यक्ष झलनाथ खनालं थःगु पार्टी सतकं घोषणा जुइगु संविधानया विपक्षय् दुगु खँ धयादीगु दु । एनेकपा (माओवादी) जेठ १५ गते सतकं हे संविधान घोषणा याःगु निर्णय याःगु कन्हय् कुन्हु खनालं इतिहासय् सतकं राजनीतिक परिवर्तन जूगु दु तर संविधान जारी मजुइगु धयादिसें अज्याःगु संविधानया पक्षय् एमाले जक मखु जनता नं उकीया पक्षय् मदइगु धयादिल ।
सोमवाः पार्टी मुख्यालत बल्खुइ केन्द्रीय कमिटीं याःगु निर्णय सार्वजनिक यानादिसें वय्कलं प्याकेजय् सहमति यायेमाःगु खँय् दक्वं दल सहमत जूगु धयादिसें माओवादीं प्याकेजय् सहमति प्वंकूसाः थ्व सरकारया आयू स्वतः म्हो जुइगु धयादिल ।
वय्कलं न्हापा न्हापा राजनीतिक दलत दथुइ जूगु सहमति लुमंकादिसें नेपा: चमत्कार जुइगु देय् जूगु धयादिल । वय्कलं संविधानसभाया म्याद अझ झिंछन्हु ल्यंदनीगु धयादिसें कुतः याःसा झिन्हुया दुने नं सहमति संभव जूगु धयादिल ।
अथेहे पार्टी केन्द्रीय कमिटीया बैठकया निर्णय सार्वजनिक यानादिसें वय्कलं पार्टी उपाध्यक्ष वामदेव गौतम लगायात खुम्हेसिनं प्रमया राजीनामा बीत माग यासें छ्वःगु ज्ञापनपत्रय् अधिकाशं नेतात संलग्न मजूगु व संलग्न जूपिंनाप स्पष्टीकरण कायेगु निर्णय जूगु कनादिल । उपाध्यक्ष गौतामयात धाःसा पार्टी विधान कथं अनुशासनया कारवाही याइगु कनदिल ।
