ज्याथाय् हिदान

येँ (सन्ध्या टाइम्स)/श्री ज्याथा युवा तथा सामुदायिक विकास क्लबया ग्वसाय् छगू हिदान ज्याझ्वः जुल। क्बलया नायः शेरबहादुर डंगोलया सभापतित्वय् जूगु उगु ज्याझ्वलय् स्थानीय मिसा व मिजं यानाः १२१ म्हेस्यां हिदान याःगु खः। क्लबपाखें याःगु थ्व न्याक्वःगु हिदान खः। थुकिया संयोजन क्लबया दुजः चन्द्रमान महर्जनं यानादीगु खः। ज्याझ्वलय् नेपाल स्वयंसेवी रक्तदाता समाजया नायः प्रेमसागर कर्माचार्य पाहां कथं झाःगु खः ।