मोरङय् प्रहरी व सुकुम्वासी दथुइ ल्वापु
मोरङय् आइतवाः प्रहरी व सुकुम्वासीत दथुइ ल्वापु जूगु दु । मोरङया सोरभागय् जग्गा अतिक्रमण यानाः च्वना: च्वंपिं सुकुम्वासीतय्त प्रहरीं चीकेगु झ्वलय् निगू पक्ष दथुइ ल्वापु जूगु खः । ल्वापु लानाः छुं सुकुम्बासीत घाःपाः जूगु खँ धाःगु दु ।
सोराभाग-८य् जग्गा अतिक्रमणा च्वंपिं सुकुम्वासीतय्त न्हापा हे जग्गा खाली यायेत सुंच ब्यूसां खाली मयागुलिं बल छ्यलेमाःगु खँ मोरङ प्रहरीं धाःगु दु । सुकुम्वासीतय्सं अन दयेकातःगु च्यय्न्याखाः छेँ मध्ये प्रहरीं नीन्याखाः छेँ थुनाब्यूगु दुसा: गुलिखे टहराय् सुकुम्वासीतय्सं हे मि च्याकूगु खः ।
उखे तनहुँलय् प्रहरी व स्थानीय दथुइ ल्वापु जुयाः झिंन्याम्ह घाःपाः जूगु दु । घाःपाः जूपिंत स्थानीय अस्पतालय् वासः याकातःगु दु । राजमार्ग अवरुद्ध यायेत स्वपिंत प्रहरीं पनेवं अन निगू पक्ष दथुइ ल्वापु शुरु जूगु खः । सकत दुर्घटनाय् सीम्ह सन्तबहादुर अधिकारीया छेँजःपिंसं क्षतिपूर्तिया माग यासें सतक अवरुद्ध यायेत स्वयेवं ल्वापु जूगु खः ।
शनिवाः बहनी आबुखैरेनीं दमौली पाखे दुरु ज्वना वनाच्वंगु वयाच्वंगु ग. १. क. १४१० नम्बरया ट्याङ्करं ठक्कर बिया: अधिकारी मदुगु खः ।
