सरकार भारतया निर्देशन पियाच्वन : गजुरेल
एकृकीत (नेकपा) माओवादीया सचिव सिपी गजुरेलं वर्तमान सरकार भारतया निर्देशन पियाच्वंगु द्वपं बियादीगु दु । वय्कलं जनतां तःधंगु आन्दोलन यानाः सरकारया राजीनामा फ्वंसां राजीनामा मब्यूगु धइगु भारतया निर्देशन पियाच्वंगु दावी यानादिल ।
क्रान्तिकारी पत्रकार संघं सुनसरीं इटहरीलय् शनिवाः ग्वसाःग्वःगु पत्ररका सम्मेलनय् वय्कलं वर्तमान सरकार एमालेया नेतृत्वय् जुसां थुकीयात नेपाली कांग्रेसं निदेशन बियाच्वंगु धयादिसें कांग्रेसया कारणं हे सहमति जुइमफयाच्वंगु द्वपं बियादिल ।
सरकारं राजीनामा बीधुंकाः जक स्वंगू दल दथुइ वार्ताया औचित्य दइगु धयादिसें वय्कलं माओवादी नेतृत्वया सरकार गठन लिपा जक संविधानसभाया म्याद थपे यायेगु वा मेगू विकल्पय् वनेगु बारे निर्णय जुइगु धयादिल ।
अथेहे वय्कलं वर्तमान सरकारया राजीनामा लिपा गठन जुइगु माओवादी नेतृत्वया राष्ट्रिय सहमतिया सरकारय् पार्टी अध्यक्ष पुष्पकमल दाहाल 'प्रचण्ड' जक मखसें पार्टीं न्ह्याम्ह नं पधानमन्त्री जुइफइगु खँ धयादिल । प्रधानमन्त्रीया निर्णय यायेगु अधिकार पार्टी केन्द्रीय समितिया दुगुलिं न्ह्यम्ह नं जुइफइगु दावी नेता गजुरेलं यानादिल ।
