मन्त्रीतय् तलब ५ प्रतिशत घटे यात
येँ (सन्ध्या टाइम्स)/नकतिनि गठन जूगु बेलायतया न्हूगु सरकारं मन्त्रिमण्डलया फुक्कं दुजःतय् तलब ५ प्रतिशत क्वपालेगु निर्णय याःगु दु। म्हिगः च्वंगु मन्त्रिपरिषद्या न्हापांगु बैठकं थ्व निर्णय याःगु खः। अप्वया वनाच्वंगु बजेट घाटा क्वपालेत थ्व दँय् ९ अर्ब डलर खर्च बचे यायेगु झ्वलय् मन्त्रीतय् तलब म्हो याःगु खः। बेलायतया बजेट घाटा २४० अर्ब डलर दु। बेलायतय् प्रधानमन्त्री डेविड क्यामरोनया नेतृत्वय् कन्जरवेटिभ व लिबरल डेमोक्रेट जानाः मंकाः सरकार गठन याःगु खः ।
