नेपाल पब्लीक युनिभर्सिटी स्वीकृत जुइमाःगु माग

२०६४ साल फागुनय् शिक्षा मन्त्रालयसं दर्ता जूगु नेपाल पब्लीक युनिभर्सिटी स्वीकृत मयाःगु धासें नेपाल पब्लीक क्याम्पस संघ तथा पब्लीक क्याम्पस प्राध्यापक संघं आन्दोलनया घोषणा याःगु दु । सामुदायिक क्याम्पसतय्गु छाता संगठन नेपाल पब्लीक क्याम्पस संघयापाखें उच्च शिक्षाय् समुदायपाखें जूगु लगानी व योगदानयात सरकारं कदर मयाःगु धासें आन्दोलनया घोषणा याःगु धाःगु दु ।

घोषित ज्याझ्वः अन्तरगत कन्हय् न्हिनय् छताः इलय् प्रमुख जिल्ला अधिकारीपाखें प्रधानमन्त्रीयात ज्ञापनपत्र लःल्हायेगु वइगु शुक्रबाः देय्न्यंकया सामुदायिक क्याम्पसय् प्राध्यापकतय्सं कलम बन्द यायेगु व आइतबाः शिक्षा मन्त्रालयसं शान्तिपूर्ण धर्ना बिइगु क्वःछ्यूगु दु ।