संविधान च्वयेगु सम्वन्धी कार्ययोजना दयेका दच्छिया म्याद तनेगु एमालेया प्रस्ताव

सत्तारुढ नेकपा एमाले संविधानसभा दलया मुँज्याय् सभासद्तय्सं संविधान च्वयेगु सम्वन्धी कार्ययोजना दयेका दच्छिया म्याद तनेगु प्रस्ताव याःगु दु । संविधान लेखन राष्ट्रिय सहमति निर्माण नापं लडाकु समायोजनबारे सहलह यायेत च्वंगु एमाले संविधानसभा दलया मुँज्याय् प्रधानमन्त्री नेपालं मेगु दलनाप सहलह याना सर्वमान्य निकास लिकायेगु धयादिल । मुँज्याय् संविधानसभाया म्याद तनेगु व राजनीतिक सहमति निर्माणया निितं एमालें म्हितीगु भूमिका नापंया बिषयसं सभासद्तय्सं थःथःगु विचाः तःगु खः । मुँज्याय् शान्ति प्रकि्रयाया पूर्णताया निितं माओवादी लडाकुया समायोजन पुनःस्थापना व व्यवस्थापन नापं द्वन्द्वकालय् माओवादीं कब्जाय् काःगु सम्पत्ति लितबिइकेगु बिषयसं नं सहलह जूगु खः । मुँज्याय् प्रधानमन्त्री माधवकुमार नेपाल नायं नापं एमाले संसदीय दलया नेता झलनाथ खनाल नापंया अप्वः धयाथे एमाले संभासदतय्सं ब्वति काःगु खः । मुँज्याय् नायः झलनाथ खनालं संकटकाल राष्ट्रपतिय शासन थें जाःगु िहंसात्मक तर्क न्ह्यःने तःगु धासें संविधानसभाया म्याद तनेगुया बिकल्प मदुगु धयादिल । नायः खनालं शान्ति प्रकि्रयायात निष्कर्षय् थ्यंकेगु व संविधान च्वयेगु ज्या क्वचायेकेत राष्ट्रिय सहमतिया बिकल्प मदुगु धयादिसें थुकिइ एमालें पहल यायेमाःगु धयादिल । नायः खनालं पुर्नसंरचना आयोग गठन यायेधुनागु व ल्यं दनिगु मुद्दाय् नं सहमतिया कुतः जूगु धासें एमालें मनेवःगु खँ ल्हाना जुइमज्यूगु धयादिल ।