सरकारं राजीनामा मब्यूसाः गृहयुद्ध : यादव
मधेशी जनअधिकार फोरमया अध्यक्ष उपेन्द्र यादवं वर्तमान सरकारं तत्काल राजीनामा मब्यूसाः देशय् गृहयुद्ध जुइगु ख्याच्वः बियादीगु दु । वय्कलं देय्या गृहयुद्ध पाखें बचे यायेत वर्तमा सरकार तत्काल विघटन यायेमाःगु माग यानादीगु दु ।
बिहीवाः झापाया विर्तामोडय् जूगु छगू पत्रकार सम्मेलनय् वय्कलं प्रधानमन्त्री माधवकुमार नेपालयात तत्काल राजीनाम बियाः देय्यात गृहयुद्धय् वनेगु पाखें बचे यायेत इनाप यानादिल । वय्कलं माओवादी सहित झिगू दलं देय्यात बचे यायेत सरकारया राजीनामा फ्वंगु धयादिसें झिगू दल दथुइ मोर्चा गठन मजुइगु स्पष्ट यानादिल । वय्कलं सरकार विघटन लिपा जक सरकार गठनया बारे खँल्हाबंला जुइगु धयादिल ।
अथेहे वय्कलं शान्ति प्रकृया व संविधान निर्माणया मू बाधक सत्तारुढ दलत जूगु द्वपं बियादिसें संघीय गणतन्त्रया विरुद्ध सत्ता गठबन्धन दलतय्सं षड्यन्त्र यानाच्वंगु धयादिल ।
