सेना समायोजन मजूतले जनताया अपेक्षा पूमवनीगु

सूचना तथा साचारमन्त्री व सरकारया प्रवक्ता कृष्णबहादुर महरां सेना समायोजन मजूतले जनताया अपेक्षा पूमवनीगु धयादीगु दु । दाङया ढिकपुर गाविसयात फोहोर मुक्त गाविस घोषणा ज्याझ्वलय् न्वंवानादिसें मन्त्री महरां धयादीगु दु 'निगू सेनायात समायोजन यानाः राष्ट्रिय सेना दयेकेगु ज्या गुलिफु उलि याकनं पूवनी उलि हे याकनं जनताया आशा पूरा यायेगु ल्वःखा चाइ ।'

मन्त्री महरां राष्ट्रिय राजनीतिइ सहमति व सहकार्य माला न्ह्यःने न्ह्यायेगु झ्वलय् खनेदुगु छुं समस्यात याकनं हे समाधान जुइगु नं धयादीगु दु । देश विशिष्ट स्थितिइ दुगु धयादिसें न्हूगु परिस्थिितं न्हूगु सहमति व न्हूगु एकता मालाच्वंगु व उकियापाखें मुलुक छगू निष्कर्षय् थ्यनीगु बिचाः तयादीगु दु । मन्त्री महरां हिउपाः स्वयेमास्ते मवःिपंसं लिपांगु इल्य् प्रहरी चौकी कब्जा व राजनीतिक व्यक्तितय्त आक्रमण यायेगु थेंज्याःगु घटना याःगु खँ धयादीगु दु ।

मन्त्री महरां खुला दिसामुक्त क्षेत्र च्वयातःगु वोर्ड अनावरण यानाः ढिकपुर गाबिसयात खुला दिसा मुक्त क्षेत्र घोषणा यानादीगु खः । ज्याझ्वः ताःलाकेगु निितं ढिकपुर गाबिसय् दुगु विद्यालयं थःगु छेँय् चबि दयेकीिपं विद्यार्थीतय्त स्वास्थ्य बिषयसं थप १० नम्वर बिइगु निर्णय नापं याःगु दु ।