गिरिजाया थासय् भट्टराई
येँ (सन्ध्या टाइम्स)/नेपाली कांग्रेसया मदुम्ह सभापति गिरिजाप्रसाद कोइरालाया थासय् कांग्रेस नेता मनमोहन भट्टराईयात संविधानसभाया सभासद दयेकाः छ्वइगु जूगु दु ।
ताः ई न्ह्यवंनिसें निराश जुयाच्वंम्ह नेता भट्टराईयात गिरिजाया थासय् सभासद यानाः छ्वयेगु धकाः कांग्रेसया थौं सुथय् च्वंगु संसदीय दलया बोर्डं सिफारिस याःगु खः ।
वय्कःया नां वरिष्ठ नेता शेरबहादुर देउवां प्रस्ताव यानादीगु खः। वय्कः बाहेक पार्टीइ मेपिं स्वम्ह मनूया नां नं वःगु खः। भाजु भट्टराई येँया तःगूमछि चुनावय् ल्वाःसां नं त्याके मफयाच्वंम्ह कांग्रेसया छम्ह प्रखर वक्ता खः ।
