भोजपुरया तिंख्यलय् स्वंगः बम लुल

येँ (सन्ध्या टाइम्स)/भोजपुरया सदरमुकामय् च्वंगु तिंख्यःया जःखः नेपाली सेनां स्वंगः बम लुइकूगु दु। अनया कालीध्वज गणं थ्व बम लुइकूगु खः। उकी मध्ये निगः प्रेसर कुकर बम व छगः पाइप बम खः। न्हापा नं अन यक्व हे बम लुइके धुंकूगु दु। थौंकन्हय् अन लँ दयेकेगु झ्वलय् बम लुयावःगु खः। सेनां थ्व थाय्यात विष्फोटक पदार्थ मुक्त लागा धकाः घोषणा याना तयेधुंकूगु दु। द्वन्द्वया इलय् तयातःगु बम आः लुयावःगु जुइमाः धकाः अनुमान याःगु दु ।