लुँ तोलां ३५ हजारया सतिक थ्यन
येँ (सन्ध्या टाइम्स)/लुँया भाः आः तकया हे दकलय् च्वय् थ्यनाः न्हूगु कीर्तिमान कायम याःगु दु। थौंया बजारय् लुँया भाः प्रति तोला ३४,७६० तका थ्यंगु दु। पुलांगु भाःयात तोडे यासें म्हिगः हे तोलां ३४,७३५ तका थ्यनाः न्हूगु कीर्तिमान तःगु खःसा थौं व स्वयां नं थहां वंगु खः। नेपाल सुनचाँदी व्यवयासी संघया नायः तेजरत्न शाक्यया कथं अन्तर्राष्ट्रिय बजारय् नं लुँया भाः प्रति औंश १२३७ डलर थ्यंगु दु, थ्व नं न्हूगु कीर्तिमान हे खः। ग्रीसया आर्थिक अवस्था स्यनाः उकिं युरोपयात हे लिच्वः लाकी धकाः ग्यानाः मनूतय् लगानी लुँपाखे अप्वया वःगुलिं थ्व भाः थहां वंगु खँ वय्कलं कनादिल ।
