मतगणना जारी, खनाल प्यानल न्ह्यःने
नेकपा एमालेया न्हूगु नेतृत्वया निितं जूगु निर्वाचनया मतगणनाय् आःतक झलनाथ खनालं केपी शर्मा ओली स्वयां ७० मतं न्ह्यःने लानाच्वंगु दु । १४६० स्वयां अप्वः मतगणना जूबलय्तक झलनाथ खनालया प्यानल न्ह्यःने लानाच्वंगु दु । न्ह्यानाच्वंगु मतगणना मतपरिणामकथं नायःसं झलनाथ खनाल व मू छ्यााजे खनालया हे प्यानलया ईश्वर पोखरेल न्ह्यःने लानाच्वंगु दु । अथेहे न्वकुसं निगू प्यानलं समर्थन क्यंसा अशोक राई खनाल प्यानलया वामदेव गौतम व ओली प्यानलया विद्या भण्डारी न्ह्यःने लानाच्वंगु दु । अथेहे मू छ्यााजेय् ईश्वर पोखरेल ७ सय ६६ मतं न्ह्यःने लानाच्वंगु दु ।
थ्वहे झ्वलय् ने क पा एमालेया नायः पदया प्रत्यासी के पी शर्मा ओलीं थःत बुकेगु निितं घेरावन्दीइ लाकूगु धयादीगु दु । थौं वुटवलय् मतगणना न्ह्यानाच्वंगु इलय् संचारकर्मर्ीलिसे खँल्हानादिसें नेता ओलीं थःत चक्रव्युहसं लाकूसां थःगु बिचारं त्याइगु दाबी यानादीगु दु । ओलीं मतगणनाया प्रकृया लगभग मध्यपाखें वयाःगु इलय् थःम्हं थः बुइगु संकेत यानादिसें उगु खँ प्वंकादीगु खः ।
