अनमिनया म्याद प्यला:या निंतिं थप

नेपाः स्थित राष्ट्रसंघीय मिसन अनमिनया म्याद प्यलाःया निंतिं थप याःगु दु । संयुक्त राष्ट्रसंघीय सुरक्षा परिषद्या बुधवाः बहनी च्वंगु बेठकं नेपालय् शान्ति स्थापनार्थ कार्यरत अनमिनया म्याद प्यलां थप यायेगु निर्णय याःगु खः ।

प्रधानमन्त्री माधवकुमार नेपालं वंगु वालय् अनमिनया म्याद प्यलां थप यायेत इनाप यानादिसें सुरक्षा परिषद्यात पौ छ्वयादीगु खः । थ्वहे वइगु शुक्रवाः क्वचायेत्यंगु अनमिनया म्याद थ्व नापं यानाः खुक्वगु खुसी थप याःगु खः ।

अनमिनया म्याद थप यायेगु वा मयायेगु धकाः सरकार व माओवादी दथुइ मत पाःगु खःसां लिप्पांगु इलय् माओवादी लडाकुया समायोजन व व्यवस्थापनया ज्या ल्यं दनीगु धासें सरकारं अनमिनया म्याद प्यलां थप यायेगु निर्णय याःगु खः ।