सेनां प्राविधिक पदय् भर्ना कायेदइगु सर्वोच्चया निर्णय
सर्वोच्च अदालतं नेपाली सेनां प्राविधिक पदय् भर्ना कायेदइगु आदेश ब्यूगु दु । नेपाली सेनां खाली जूगु प्रविधिक पदया निंतिं भर्ना आह्वान याःगु विरुद्ध लाःगु रिटय् न्यायाधीश टपबहादुर मगर व कृष्णप्रसाद उपाध्यायया मंकाः इजलासं बुधवाः थुगु आदेश ब्यूगु खः ।
निम्ह न्यायाधीशतय् इजलासं निवेदकया जिकिर मनासिव मजूगु ठहर यासें सेनायात खाली पदय् भर्ना यायेदइगु निर्णय न्यंकूगु खः । सेना पूर्ती यायेत स्वःगु पद चिकित्सक, इन्जिनियर, ओभरसियर, मेकानिक्स लगायत प्राविधिक पद जूगुलिं सुविधा सन्तुलनया दृष्टिं उपयुक्त खनेदु ठहर इजलासं याःगु दु ।
सेनाया भर्ना छनौट निर्देशनालय जंगी अड्डां वंगु वैशाष ६ गते गोरखापत्रय् छगू विज्ञापन पिथना खाली पद पूर्तीया निंतिं न्हूगु भर्नाया आह्वान याःगु खः । सेनाया उगु विज्ञापन शान्ति सम्झौताया मर्म विपरित जूगु धासें अधिवक्ता श्रीकृष्ण सुवेदीं रिट दयार याःगु खः ।
