स्वन्हु दुने सहमति जुइगु खँय् नेम्वाङ आशावादी
संविधानसभाया अध्यक्ष सुवासचन्द्र नेम्वाङं वर्तमान राजनीतिक गतिरोधया बारे राजनीतिक दलत दथुइ सहलह जुयाः स्वन्हुया दुने सहमति जुइगु खँ धयादीगु दु । बुधवाः एनेकपा (माओवादी)या अध्यक्ष पुष्पकमल दाहाल 'प्रचण्ड' नापया खँल्हाबंला लिपा वय्कलं निन्हु-स्वन्हुया दुने गतिरोध समाप्त जुइगु खँय् थः उत्साहित व आशावादी जूगु कनादिल ।
बुधवाः न्हू बजारय् च्वंगु प्रचण्ड निवासय् निम्ह नेतात दथुइ जूगु खँल्हाबंलाय् राजनीतिक गतिरोधया कारणं संविधानसभाया भविष्य अन्यौललय् लाःगु बारे सहलह जूगु खः । संविधानसभा अध्यक्ष नेम्वाङ संविधानसभा पाखें संविधान जारी यायेगु ज्या छखे लाःगु धयादिसें सहमति पाखें समस्या याकनं ज्यंकेत प्रचण्ड यात सुझाव बियादीगु खः ।
लिसःलय् प्रचण्डं थःपिं सहमतिया निंतिं फ्क्व कुतः यानाच्वनाःगु धयादिसें छुं न्हिया दुने हे राजनीतिक निकास पिकायेत कुतः यानाच्वंगु खँ धयादीगु खः ।
