माओवादीया व्यवहार नाप समस्या : महत
नेपाली कांग्रेसया नेता डा. रामशरण महतं थःपिंत माओवादी पार्टी नाप समस्या मखुसें माओवादीया व्यवहार नाप समस्या दुगु खँ धयादीगु दु ।
मंगलवाः येँया रिपोटर्स क्लबय् जूगु छगू साक्षात्कर ज्याझ्वलय् न्ववानादिसें वय्कलं माओवादीं थःगु व्यहवारय् सुधार मयायेकं माओवादी नेतृत्वया सरकार स्वीकार यायेमफइगु धयादिल । उकीया निंतिं वय्कलं माओवादीं कब्जा यानातःगु छेँबुँ लितबीमाःगु, वाइसीएलया अर्ध सैन्यत संरचना भंग यायेमाःगु धयादिल ।
ज्याझ्वलय् माओवादी प्रवक्ता दिनानाथ शर्मां वर्तमान सरकारं राजीनामा मयायेकं थःपिं वार्ता मच्वनेगु धयादिल । वय्कलं वाइसीएलया व्यवहारय् सुधार हे फइगु तर सरकारं राजीनामा मयायेकं वार्ता असम्भव जूगु धयादिल । नापं वय्कलं सरकारं छुं नं शर्त तसाः वार्ताय् च्वनेमफइगु धयादिल ।
उगु इलय् राष्ट्रिय जनशक्ति पार्टीया सहअध्यक्ष डा. प्रकाशचन्द्र लोहनीं माओवादीयात संसदीय लँपु पाखें सरकार हिलेत सुझाव बियादिल ।
