सरकारया ज्यायात प्रभावकारी दयेकेगु - अर्थमन्त्री

एकीकृत नेकपा माओवादीया सरकार परिचालन विभागया थौं च्वंगु बैठकं वर्तमान सरकारया काम-कारबाहीयात थप प्रभावकारी दयेकेगु निर्णय याःगु दु । विभागं माओवादीया नेतृत्वय् दुगु मन्त्रालयया काम-कारबाहीया संयोजन व उकियात माःगु निर्देशन यायेगु निर्णय याःगु विभागया प्रमुख व अर्थमन्त्री डा।बाबुराम भट्टराईं जानकारी बियादीगु दु । विभागं मेमेगु दलया नेतृत्वय् दुगु मन्त्रालयतदथुइ नं पार्टीयापाखें निगरानी यायेगु धयादिसें अर्थमन्त्री भट्टराईं धयादी -ूप्रधानमन्त्री ज्याकुयात ग्वाहालि यायेत व धिसिलाकेत थुकिया गठन जूगु खः । थ्व संयुक्त सरकारअन्तर्गतया संरचना स्वयां नं पार्टीया आन्तरिक विभाग खः ।ु वय्कलं सरकार परिचालन विभाग प्रधानमन्त्री ज्याकुया समानान्तर मजूसे ग्वाहालि जक जूगु नं स्पष्ट यानादीगु दु । बैठकय् सरकारय् च्वनाः फुक्क सत्ताया प्रगतिशील रुपान्तरणयात गुकथं प्रभावकारी दयेकेगु जनतादथुइ तत्काल राहत लगायत सुधारया ज्याझ्वः गुकथं याकनं यंकेगु व झिदँया जनयुद्ध व िझंगुन्हुया जनआन्दोलनं ल्ह्वंगु राष्ट्रियता जनजीविका व जनतन्त्रया मुद्दायात गुकथं सम्बोधन यायेगु लगायतया विषयसं सहलह जूगु खः ।