भारतीय नागरिकया हत्या
येँ (सन्ध्या टाइम्स)/म्हमसिउपिं मनूतय्सं गोलीं कयेकाः नवलपरासीइ छम्ह भारतीय नागरिकयात स्याना बिउगु दु। गोलीं कयाः सीम्ह भारत महाराजगन्ज सितलापुरया ४५ दँ दुम्ह ईसराईल अन्सारी खः धाःगु दु ।
थौं सुथय् थ्यंमथ्यं ८ बजे साइकलय् वःपिं निम्ह मनूतय्सं अनया गुठीसूर्यपरा गाविस वडा नं.७ लागाय् च्वंम्ह अन्सारीयात गोलीं कयेकूगु खः। अन्सारीयात न्हकुइ गोलीं कःगु खःसा गोलीं लायेवं घटनास्थलय् हे सीगु खः। अन्सारी अनया छम्ह स्थानीय मनूया छेँय् पाहां कथं वयाच्वंम्ह खः। गोलीं कयेकूपिं नं भारतीय मूलयापिं हे खः धाःगु दु। आः उमित प्रहरीं मालाच्वंगु दु ।
