तरुण दलया नेता अपहरण
येँ (सन्ध्या टाइम्स)/नेपाली कांग्रेसया युवा संगठन नेपाल तरुण दलया कैलाली जिल्ला सदस्य गणेशबहादुर सिंहयात माओवादी कार्यकर्तातय्सं अपहरण याःगु दु। धनगढी नगरपालिका वडा नं. १२ या जुगेडा लागां थःगु हे छेँनं माओवादीया कार्यकर्तातय्सं वंगु चान्हय् अपहरण याना यंकूगु खः धकाः नेपाली कांग्रेस कैलाली जिल्ला समितिं धाःगु दु। थःपिनि कार्यकर्तायात तत्काल मुक्त मयात धाःसा अपहरणयात कयाः आन्दोलन यायेगु जुइ धकाः ख्याच्वः नं बिउगु दु ।
