कर्णाली राजमार्ग ठप्प

येँ (सन्ध्या टाइम्स)/कालिकोटय् निवाः न्ह्यः जूगु घटनायात कयाः कर्णाली राजमार्ग व दैलेखया लँय् यातायात ठप्प याना बिउगु दु। थौं सुथंनिसें हे यातायात सेवा पूर्ण रुपं हे बन्द याना बिउगु खः। यातायात मजदूरतनापया ल्वापुया झ्वलय् कालिकोटया गजेन्द्र शाही वंगु १४ गते सीगु खः। उगु घटनाया विरोधय् स्थानीय मनूतय्सं प्यंगः ट्याक्टर तोडफोड यानाः मि तकं तया बिउगुलिं अनया च्यागू यातायात व्यवसायीतय्सं थौं सुथंनिसें हे यातायात ठप्प याना बिउगु खः। यातायात व्यवसायीतय्सं थःपिनि माग पूरा जुइमाःगु नापं दोषीयात कारवाही यायेमाःगु माग तःगु दु ।