अग्नी एअर विमानया आपतकालीन अवतरण

पोखरां येँया निंतिं ब्वःगु अग्नी एअरया विमान प्राविधिक खराबीया कारणं मंगलवाः न्हिन् अपतकालीन अवतरण याःगु दु । अग्नी एअरया ९ एन एआईजी डोर्नियर विमान हाईड्रोलिक फेल जुयाः पोखरा विमानस्थलय् हे आपतकालीन अवतरण याःगु खः ।

मंगलवाः न्हिनय् १२:२३ मिनेटय् पोखरा विमानस्थलं ब्वःगु विमानय् स्वंगू मिनेट लिपा हे समस्या वःगु खः । झिंन्हय्म्ह यात्रुत ज्वनाः येँय् वयेत्यंगु विमानय् खारवी वयेवं क्याप्टेन एनपी प्रधानं न्हय्गू मिनेटय् हे विमानया आपतकाली अवतरण याकूगु खः ।

धावनमार्गया बिच्चे हे आपतकालीन अवतरण याःगुलिं करिब नीन्यागू मिनेट पोखरा विमानस्थल अवरुद्ध जूगु खः । उकीं यानाः अनया दक्वं उडान प्रभावित जूगु खः ।