एजेण्डाय् प्रवेश हे मयायेकं एमालेया बैठक स्थगित

लिप्पांगु राजनीतिक घटनाक्रमया बारे सहलह यायेत च्वंगु नेकपा (एमाले) स्थायी समितिया बैठक क्वःछिनातःगु एजेण्डाय् प्रवेश हे मयायेकं स्थगित जूगु दु । सोमवाः पार्टी मू ज्याकू बल्खुइ च्वंगु बैठकय् एनेकपा (माओवादीं) आम हड्ताल लितकायेधुंकाःया परिस्थिपतलय् गुकथं न्ह्याः वनेगु, शान्ति व संविधान निमार्ण, माओवादी लडाकु आदिया बारे सहलह यायेगु खँ क्वःछिनातःगु खः ।

बैठकय् ब्वति कयादीम्ह एमाले वरिष्ठ नेता नापं प्रधानमन्त्री माधवकुमार नेपालं सरकारं माओवादीयात वार्ताया निंतिं छ्वःगु पौ लिपा आःया रणनीति दयेकेगु कथं स्थायी समितिया बैठक कन्हय् हानं च्वनीगु खँ कनादिल ।

एमाले स्थायी समितिया बैठकं न्हूगु परिस्थितिइ न्ह्याः वनेगु पलाःया बारे निर्णय याइगुलिं थुगु बैठकयात राजनीतिक ख्यलय् अर्थपूर्णरुपं स्वाच्वंगु दु ।