मालेया थःगु हे खँ संघीयताया वारे

संघीयताया विषयसं थीथी राजनीतिक दल व संघसंस्थातय्सं थःथःगु हे धारणात हयाच्वंगु इलय् नेकपा मालें नं भुगोलया आधारय् संघीय राज्य दयेकेमाःगु प्रस्ताव याःगु दु । थौं येँय् मालें सार्वजनिक याःगु प्रस्तावय् जनकपुर लुम्वीनी कर्णाली सेती महाकाली व वागमति केन्द्र शासित प्रदेश यानाः खुगू राज्य दयेकेमाःगु बिचाः न्ह्यःने तयादीगु दु । उगु पार्टीया अध्ययन कार्यदलं तयार याःगु उगु प्रस्तावय् जातिय आधारय् राज्य दयेके मज्युगु न्ह्यथनातःगु दु ।