१० दलया सरकार विरुद्ध १२ दलया मोर्चाबन्दी

येँ(सन्ध्या टाइम्स)/संविधानसभाया चुनावं त्यानावःगु नीन्यागू पार्टी आः निगू ध्रुवय् ध्रुवीकरण जुजुं वंगु दु।
वर्तमान सरकारय् झिगू दल दुथ्यानाच्वंगु दुसा आः प्रमुख प्रतिपक्षी माओवादीया नेतृत्वय् सरकार विरोधी झिंनिगू दल छथाय् च्वं वःगु दु। संघीयता, धर्म निरपेक्षता, गणतन्त्र व संविधानया निंतिं वर्तमान सरकार पंगः जूगु ठहर यासें संभवतः थौं हे सरकार विरोधी पार्टीतपाखें मंकाः विज्ञप्ति पिकायेगु तयारी जुयाच्वंगु दु। सरकारं राजीनामा बियाः निकासया लँपु चायेकेमाःगु नापं तत्काल हे राष्ट्रिय सरकार दयेकेत दवाव बीत थ्व विज्ञप्ति पिकायेत्यंगु दुसा थौं हे झिंनिगू दलया मंकाः बैठक नं च्वनेत्यंगु दु ।

थौंकन्हय् सरकारया पक्षय् झिगू दल दुसा विपक्षय् झिंनिगू दल लानाच्वंगु दु। स्वंगू दल तटस्थ दु। नेमकिपा, राष्ट्रिय जनमोर्चा व राष्ट्रिय प्रजातन्त्र पार्टी नेपाल गुगुं पक्षय् दुमथ्याः। थ्व स्वंगुलिं संघीय व्यवस्थाया विरोधी दलत खः।

सरकारवादी पुचः
१) नेपाली कांग्रेस
२) नेकपा (एमाले)
३) तराई मधेश लोकतान्त्रिक पार्टी
४)फोरम (लोकतान्त्रिक)
५) नेकपा (संयुक्त)
६) राष्ट्रिय जनशक्ति पार्टी
७) सदभावना पार्टी
८) नेकपा (माले)
९) राष्ट्रिय प्रजातन्त्र पार्टी
१०) नेपाल सदभावना पार्टी

तटस्थ दलत: नेमकिपा, राष्ट्रिय जनमोर्चा व राप्रपा नेपाल

सरकार विरोधी पुचः
१) एकीकृत नेकपा (माओवादी)
२) मधेशी जनअधिकार फोरम
३) नेपाः राष्ट्रिय पार्टी
४) संघीय लोकतान्त्रिक राष्ट्रिय मंच
५) नेकपा (एकीकृत)
६) नेपाल सद्भावना पार्टी (सरिता)
७) समाजवादी लोकतान्त्रिक पार्टी
८) चुरेभावर राष्ट्रिय एकता पार्टी
९) नेपाली जनता दल
१०) राष्ट्रिय जनमुक्ति पार्टी
११) दलित जनजाति पार्टी
१२) नेपाल परिवार दल