सुवर्णकेशरीयात हेटौंडाय् हनीगु

येँ (सन्ध्या टाइम्स)/नेपालभाषा आन्दोलनया मिसा न्ह्यलुवा मय्जु सुवर्णकेशरी चित्रकारयात हेटौंडाया नेपालभाषा खलः मकवानपुरपाखें हनीगु जूगु दु। नेपालभाषा मिसा खलःया पुलांम्ह नकिं एवं नांजाःम्ह नेपालभाषा बाखं च्वमि मय्जु चित्रकारं नेपालभाषा ख्यलय् म्हितादीगु योगदानया कदर यासें हेटौंडाय् हे छगू ज्याझ्वः यासें हनेगु निर्णय याःगु खः।
हेटौंडाय् आः याकनं हे छगू ज्याझ्वः यासें वय्कःयात अभिनन्दन यायेगु खँ नेपालभाषा खलकं धाःगु दु ।