थौं माओवादी बैठक

येँ (सन्ध्या टाइम्स)/ एकीकृत नेकपा (माओवादी) या केन्द्रीय बैठक थौं सनिलय् च्वनेत्यंगु दु। बैठकं कन्हय् निसें न्ह्याकीगु ज्याझ्वः तयार याइ धाःगु दु। माओवादीं आम हडताल स्थगित यायेधुंकाः आः गुज्वःगु कथंया आन्दोलन यायेगु धइगु खँय् सहलह ब्याकेत थ्व बैठक च्वनेत्यंगु खः। जेठ १४ गते तक आन्दोलनया स्वरुप नापं मेमेगु पार्टीलिसे जानाः न्ह्याः वनेगु सवालय् थौं सहलह जुइ धाःगु दु ।