जेठ २ गते निसें उच्च माविया जाँच

एकीकृत नेकपा (माओवादी)या आम हड्तालया कारणं स्थगित जूगु उच्च माविया जाँच जेठ २ गते निसें जुइगु जूगु दु ।

उच्च माध्यमिक शिक्षा परिषद् समितिया आइतवाः च्वंगु बैठकं कक्षा १२या ल्यं दनीगु जाँच जेठ २ गते निसें व कक्षा ११ या परीक्षा जेठ १६ निसें संचालन यायेगु निर्णय याःगु दु । अथेहे माओवादी अवरोधया कारणं थीथी परीक्षा केन्द्रय् स्थगित जूगु जाँच धाःसा जेठ ११ व १२ गते कायेगु निर्णय याःगु खः ।

वंगु वैशाष १६ गते निसें सुरु जूगु उच्च माविया जाँच माओवादीं वैशाष १९ गते निसें आह्वान याःगु अनिश्चितकालीन आमहड्तालया कारण थीथी थासय् असुरक्षाया कारणं स्थगित जुइवं शिक्षा परिषदं मेगू सुचं मवतल्लेया निंतिं जाँच स्थगित याःगु खः ।